CEBEK-en arlo ezberdinek enpresaren kudeaketarako informazio garrantzitsua jasotzen duten aldizkako zirkularrak lantzen dituzte. Zirkular horietan legeriari dagozkion berritasunen, berritasun teknikoen eta CEBEK-ek kudeatutako gertaeren berri ematen da eta, hainbat kasutan, intereseko gaiei buruzko irizpideak jasotzen dira.
Zirkularrak orokorrak edo sektorekakoak izan daitezke eta Laguntza eta Diru-laguntza, Gai juridiko eta laboral, Berrikuntza eta Pertsonen Kudeaketa, Zergak, Merkataritza eta Kontabilitatea, Lan-arriskuen Prebentzioa, Kalitatea, Ingurumena, Informazioaren Teknologiak, Famili Enpresa, Nazioartekotzea eta abarri buruz jarduten dute.
Enpresa elkartekideei bidaltzen zaizkie, paper-formatuan edo posta elektroniko bidez.
CEBEK-ek etengabe hedatzen ditu enpresa-jardueraren alderdi ezberdinei buruzko informaziorako eta sentsibilizaziorako hainbat ekintza, Bizkaiko enpresen lehiakortasuna hobetzeko helburuarekin.
Garatzen ditugun jarduerak enpresaren kudeaketan ardurak dituzten pertsonei zuzenduta daude, hala nola, enpresari, kudeatzaile, zuzendaritzetako kideei; baita enpresaren jarduera-esparru ezberdinetako arduradunei eta dagozkion esparruetako ezagueretan sakondu nahi duten pertsonei ere.
CEBEK-ek prestakuntzarako 300 ikastarotik gora antolatzen du urtean; horrela, Bizkaiko enpresei zuzendutako prestakuntza-eskaintza handiena daukan erakundea da.
Prestakuntzarako arloak etengabe egiten ditu prestakuntza orokor zein sektorekako prestakuntzarako beharrei buruzko diagnostikoak; ondorioz, langileei zein zuzendaritzetako kideei eta enpresariei zuzendutako ikastaro aukera zabala jartzen du enpresen eskura.
Ikastaroek enpresa-kudeaketaren arlo ezberdinak hartzen dituzte (ofimatika, administrazioa/kudeaketa, hizkuntzak, marketina/komertziala, kudeaketarako sistemak, ereduak, metodologiak eta tresnak, trebetasunak, laneko segurtasuna eta osasuna, Lan-arriskuen Prebentzioa…). Halaber, ikastaro espezializatuak ere egiten dira, hala nola, ingurumen kudeaketa, segurtasuna salgaien garraioan, datu pertsonalen babeserako araudiaren aplikazioa, hondakin eta ontzien kudeaketa, famili enpresaren protokoloei eta abarri buruzkoak.
Proiektu batzuk eskainitako prestakuntza osatzeko aholkularitzako jardueretan eta parte hartzen duten enpresentzako emaitza onuragarriagoak lortzen zentratzen dira.
Horrela, ezaguera-arlo ezberdinetan Diagnostiko, Azterketa, Tutoretza eta antzerako beste jarduera mota batzuetarako deialdiak egiten ditugu.
Ondorengoak dira horietako batzuk:
