Top – Enpresarien Topaketek igortzeko moduko zenbait jarduera eta esperientzia egiaztagarri, arrakastatsu eta berritzaile jarri nahi dituzte enpresen esku, euren lehiakortasuna hobetzean eredu eta ikasbide moduan erabili ditzaten.
Programa hau enpresarien eta zuzendarien artean jakintza igortzeko foroa izango da, eta, horri esker, enpresa-jarduketa bikainak zuzen-zuzenean ezagutu ahal izango dituzte abian jarri dituzten enpresen eskutik. Horrez gain, zertan asmatu eta erratu diren ere partekatu ahal izango dute.
Topaketetako hartzaileak edozein sektore edo tamainatako enpresak izango dira, baina, batez ere, enpresako zuzendaritzako kideak.
2014. urte honetarako proposamen berritzailea ADEGIk, CEBEKek eta SEAk batera antolatutako programa izango da, Eusko Jaurlaritzako Ekonomiaren Garapen eta Azpiegitura Sailaren partaidetzarekin eta, bertan, Euskadiko edozein enpresak parte hartu ahal izango du. Horretarako, topaketa bakoitzaren unean uneko informazioa jasoko dute.
