HasieraDeitu gaitzazu
94 400 28 00
Kontaktua eseu

Aholkularitza ekonomiko-fiskala

Arlo Fiskalaren helburua da gure zerga-sisteman indarrean dauden Zerga guztiei buruz gure enpresa elkartekideek plantea ditzaketen gai ekonomiko-fiskal guztiei irtenbidea ematea.
Bilboko MARTÍN ABOGADOS BUFETE LEGAL zerga-aholkulariekin lortutako lankidetza-hitzarmenaren ondorioz, enpresa elkartekideen esku jartzen da enpresen jardueran sor daitezkeen zergekin lotutako kontsulta guztiei erantzuteko aholkularitza-zerbitzua, zerga ezberdinen esparruan (BEZ, Sozietateen gaineko Zerga, fakturazioko betebehar formalak, Zerga-administrazioari eman beharreko informazioa…).
Kontsultak CEBEK-i egin dakizkieke zuzenean edo aholkulariei eurei, telefonoz (944 247 257), fax bidez (944 236 406) edo e-postaz (fiscal@martinabogados.com), eta lehenbailehen erantzungo zaie.
Gai konplexuagoetarako, elkarrizketa pertsonala hitzartu daiteke MARTÍN ABOGADOS BUFETE LEGAL bulegoarekin; horrela, elkarrizketa horretan gaia sakonago aztertu beharra edo gai horretan aktiboki esku hartu beharra dagoela ikusiko balitz, baldintza onuragarridun aurrekontua eskainiko zaie enpresa elkartekideei.

ESPARRU EKONOMIKO-FISKALEKO JARDUKETAK

Azkeneko urteetan, hainbat berritasun eman dira kontabilitate, merkataritza eta zergen araudiei dagokienez. Beharrezkoa da aldaketa horien zabalkunde egokia egitea eta, hortaz, aldaketok ETEetako arlo ekonomiko-finantzarioetako arduradunak etengabe birziklatu beharra eskatzen dute, zuzenean eragiten baitiete.

Garatzen ditugun jarduerak enpresaren kudeaketan ardurak dituzten pertsonei zuzenduta daude, hala nola, enpresariei, kudeatzaileei, zuzendaritzetako kideei; baita Zerga-, Administrazio-, Kontabilitate- eta Finantza-sailetako langileei eta, oro har, aipatutako esparruetako ezagueretan sakondu nahi duten pertsonei ere.

Jardunaldi, tailer edo enpresen topagune formatuetan egiten ditugun jarduerak ondorengo gaiei buruzkoak izaten dira:

  • Zerga-arloko berritasunak: sozietateen gaineko zerga, balio erantsiaren gaineko Zerga, errentaren gaineko zerga, ondasunen gainekoa, zerga-ikuskaritza…
  • Kontabilitateko berritasunak
  • Merkataritza eta finantza gaietako berritasunak

Lantzen diren gaiek erabateko gaurkotasuna dute eta horrek jarduera horietan jende kopuru handiak parte hartzea dakar.

KONTSULTA EZAZU AGENDA

 

Menu
El navegador que está utilizando es una versión obsoleta.

Para visualizar correctamente esta página le recomendamos que instale o actualice su navegadorSi, quiero actualizar mi navegador

×